10 Feb 2025: Vawiin chawhma dar 11:00 khan State Level Sub Committee on Fire Prevention-in a lo rel tawh angin kum 2025 atana kangmei ven kawnga beihpui thlak hapta (fire prevention week) chu Pu H.Lalengmawia, IAS, Commissioner & Secretary chuan Aizawl Vanapa Hall-ah a hawng.
Khuallian Pu H. Lalengmawia, IAS, Commissioner & Secretary chuan thu sawiin, ramkang tur ven chu mi tin mawhphurhna a nih thu leh chumi atana ngaihtuahna senpui turin kalkhawmte chu a sawm a. Kan chheh vela nungcha leh ramngaw bakah boruakte venhim chu mitin te’n, khua leh tui tha ni tura kan mawhphurhna a nih dante sawifiahin, kalkhawmte chu Kangmei ven kawnga mipui vantlang zirtirna tha lehzual a awm theihna tura ngaihtuahna senpui turin a sawm nghal bawk a ni.
Vawiina hun hman hi Pi Vanlalnunpuii Hmar, MFS, DFO Extension chuan a kaihruai a, Pu Laltlanhlua Zathang, IFS, CF (P) hnen atangin presentation ngaihthlak niin, Fire Prevention Week puala thutiam chham rualna a kaihruai nghal a ni.
Fire Prevention Week hi District dangah pawh hman a ni.
