Kawng 45 atan tender notice chhuah dawn

22 Oct 2026: Vawiin khan Engineer-in-Chief Conference Hall, Public Works Department, Tuikhuahtlangah Pradhan Mantri Gram Sadak Yojana (PMGSY) thlirletna (review meeting) neih a ni a, PWD Chief Engineer (Planning) leh Empowered Officer, MiRRDA (Mizoram Rural Road Development Agency) ni bawk Er. Vanlalzuala Chenkual chuan chairman niin a kaihruai.

He hunah hian PWD Engineer-in-Chief leh CEO, MiRRDA ni bawk Er. David Sapzova chuan thu sawiin PMGSY-IV hna thawh tan a ni dawn a, November thla atangin kawng 45 atan tender notice an chhuah tan dawn a, chumi denchhen chuan PMGSY hnuaia a hmaa hnathawh te enhoa thlirlet ho a tul an tih thu a sawi a. An hna bang la zawh loh te rang taka zo turin a chah a, kawng siam te leh lei siam te tha taka enkawl chhunzawm turin a fuih bawk. PMGSY-IV hnathawh pawh an tan theih hunah tha taka thawk turin duhsakna a hlan a, mipui tana thawk an ni tih hriain Mizoram innghahna lian tak an ni tih hre reng turin a chah a ni.

Thlirletna hi PWD Superintending Engineer leh State Quality Coordinator ni bawk Er. T. Lalkhanhau chuan a kaihruai chhunzawm a, zing hunah hian PMGSY hnuaia hnathawh hrang hrang, an thlen chin te, an hmabak leh an harsatna te sawiin division hrang hrang sawm pathum (13) in presentation an pe a, chhun hunah hian division pasarih (7) in presentation an pe a, Er. T. Lalkhanhau chuan Stage Passing, Section Planning and Progress chungchang a sawi a, Er. SR Lalramthanga chuan ATR related issues a sawi bawk a, Er. M. Lalrammawia chuan E-Marg, Maintenance and OMMAS related issues chungchang a sawi bawk a ni.

He hunah hian Chief Engineer (Roads) Pi C. Lalthlamuani, Chief Engineer (Highways) Pu Robin Lalrinmawia te an tel a, division hrang hrang atangin engineer te an tel kim hle .

He hunah hian F. Lalnghakliana, Class-I Contractor chu PMGSY-III hnuaia Khuangleng-Sesih-Lianpui kawng siam hna a zawh chu zo hmasa ber a nihnaah lawmpuina hlan bawk a ni.