Kawng siam hna ngawrh takin thawk mek

15 March 2026:- Lunglei khawpui chhung kawng siam hna chu ngawrh taka thawh mek zel a ni.

SASCI sum Rs Vbch 12 senna tur Lunglei khawpui chhung kawng siam hna hi ATL Road siam hna thawktu SLT Company-te’n thawk kal mekin, Lunglei khawpui chhim lam AOC atangin hna hi hmar lam pan zawngin an thawk kal zel a, hetiang anih avang hian Lunglei khawpui chhunga lirthei kal vel dan chu nasa takin Traffic Police lamte’n an tih danglam thin bakah traffic jam a awm deuh reng bawk.

Khawpui chhung kawng siam hna hi Lunglei khawpui hmar lam veng tawp ber Pukpui dai thleng; KM 12 a thui thawh tur anih laiin tun dinhmunah KM 3 vel chiah hna thawh a la ni.

Ruahtui tlak tak tak hmain an siam zo hman dawn em tih chu sawi theih a la nihloh thu leh kawng Alkara luan chhah zawng hi 80mm niin Engineer te chuan an sawi.