Khuh damdawi man khawmte Hospital leh Home hrang hrangah damdawia hman turin hlan
09 Jan 2024: Vawiin khan Excise and Narcotics Dept. Lunglei-te chuan khuh damdawi an man khawm bur 1,700 chu Lungleia Hospital thenkhat leh Home hrang hrangah damdawia hman turin an hlan.
Heng khuh damdawi hlanna hunah hian Lunglei Excise Dept. Assistant Commissioner Pu B.Ngurchhuana chuan an khuh damdawi man te chu a neitu hriat loh an man khawl a nih thu sawiin, Hospital leh Home hrang hranga awm hritlan tawkten tangkai zawka an hman atana hlan an nih thu a sawi a, Home hrang hranga awmte leh thawktute bakah Hospital lama thawktute chu ruihhlo do kawngah a tul ang zela thawhpuiah a sawm nghal a ni.
Heng khuh damdawite hi Civil Hospital, John Williams Hospital leh TNT Lunglei Home bakah KK Boys Home-ah te pek an ni a, Christian Hospital Serkawn, Chhawmdawlna In leh Bethel Centre-ah te an la pe chhunzawm dawn bawk a ni.
