KMMTTP leh Railway Project chungchangah MLA Pu T Lalhlimpuia’n Dabgram Industrial Park, Siliguri ami a tlawh

23 June 2026:- Vawiin khan Mizoram sawrkarin Kaladan Multi Modal Transit Transport Project (KMMTTP) leh Railway Project-te’n Mizo mipuiah nghawng a neih dan tur zirchiangtu tur Committee a Chairman Pu T Lalhlimpuia, MLA chuan Dabgram Industrial Park, Siliguri ami a tlawh.

He park enkawltu West Bengal Industrial Infrastructure Development Corporation hotute leh Industry Association hruaitute chuan lo dawng sawngin, park hnathawh dan leh kaphungte an lo hrilhfiah. Hei bakah Siliguri Industrial and Logistics Park pawh a tlawh bawk a, Logistics leh Warehousing kalpui anih dan te, sawrkar leh private te thawhho dan an zirchiang nghal.

Thawktute chuan tha takin an lo dawngsawng a, Mizoram lam, a bikin KMMTTP kawng hawn huna ataka tih ve theih turte uluk takin an en ho bawk.

Pu T. Lalhlimpuia hi Study Committee Member Pu Zomuana leh Pu Zoremthara Ralte, Joint Residence Commissioner (JRC) Kolkata Mizoram House-te’n an tawiawm a ni.