February 26, 2024: Home Minister Pu K Sapdanga’n sorkar tharah dan lova Mizorama kuhva tawlh ruk, Bag 2868 man a ni tawh tih House a hrilh.
Mizoram Legislative Assembly pakuana thutkhawm vawi 2-na, Budget Session ni 5-na vawiina neihah Aizawl South 2 bialtu MLA Pu Lalchhuanthanga zawhna chhangin Home Minister chuan sorkar thar kuhva mante chu kawl that a ni tih leh kuhva an mansaka mawhphurhtute thubuai chu ngaihtuah mek a nih thu a sawi bawk.
Dr. K Beichhua zawhna chhangin Pu K. Sapdanga chuan Police hnaruak 4268 a awm mek thu leh hnawhkhah tum a nih thu a sawi a, inbuatsaih mek a nih thu leh a vaia hnawhkhah nghal theih a nih loh avangin tlem tlema hnawhkhah tum a ni, a ti a, Dampa bialtu MLA Pu Lalrintluanga Sailo-in Vairengte check gate-a Police duty mi 2 suspend an nih chhan a zawhna chu Home Minister chuan chhang bawkin Mizoram atanga thlai thar phur chhuak turte hnenah sum an dil vang a nih thu a sawi.
