31 May 2024: Lunglei DC Office Aadhaar Branch-a thawktute chuan aadhaar nei tawhten address chung changah leh kum 10 a tlin dawnah kum 10 dang dam turin aadhaar card update vek a tul thu an sawi.
Lunglei Aadhaar Branch-a thawktute’n kan palai an hrilh danin, aadhaar card hma lama nu emaw pa emaw, nupui pasal hming chuang chu a bo vek tawh dawn avangin aadhaar card-te update a ngai a, card hnung lamah a chuang vek tur a ni tih an sawi. Card hnung lama address chuang sa te erawh a ngai lo tih sawiin, he address awmna dik leh dik lo hian online hmanga thil dil hrang hrangah a tlang loh phah thin tih an sawi a ni.
Hei bakah hian aadhaar card neitu chu kum 5 a pelhin leh kum 15 a pelhin, kutzungtang zia leh mit naute bakah thlalak tih thar vek a ngai an ti. Aadhaar card neih atanga kum 10 a tlin dawnah document update vek a ngai tawh dawn tih sawi bawkin, update tawhte chu kum 10 dang a dam anga, kum 10 dan zelah tih thar leh zel tur anih thu an sawi bawk.
