Kum 2021-22 chhung khan MNF returnee-te chhawmdawlna Rs vbch 8.77 pekchhuah anih thu Home Minister-in a sawi
Home Minister Pu Lalchamliana chuan MNF returnee-te’n lei rem an rah theihna turin kum 2021-22 chhung khan mi 718 hnenah chhawmdawlna Rs vbch 8·77 pekchhuah a ni tih a sawi.
Home Minister chuan Aug ni 29 khan Aizawl Press Club-ah chanchinbumite a kawm a. A department chan pathum– Home, Taxation leh Disaster Management & Rehabilitation Dept te hmasawnna hrang hrang a sawi a; Myanmar leh Manipur atanga Mizorama sahimna zawnga tlanlutte theihtawpa tuamhlawm an nih thu a sawi bawk.
Home Minister sawi danin, Manipur atangin mi 12,883-in Mizoram an lut a, anmahni puih nan hian Mizoram Sawrkar-in Rs vbch 5 a pechhuak tawh a; hei bakah hian state chhunga sorkar hnathawk te leh central sorkar hnathawk te, MLA/Corporator leh ADC member te thawhkhawm Rs nuai 80 vel hmuh a ni tawh.
Myanmar atanga raltlan zat hi mi 31,364 niin Sawrkar chuan a chhinchhiah bawk.
