Kumin 2026-ah TB vei thar mi 40 chuang hmuh chhuah an ni tawh

28 April 2026:- Dt. 24th March, 2026 a TB Mukt Bharat Abhiyan phase 2; LMC Vice Chairman Pu Lalzuithanga’n a hawn hnuah Lunglei District a District TB Centre a thawktuten hma la chho nghalin Nursing School 3 (Faith, Serkawn leh Civil) bakah Hnahthial tlangdung a khaw thenkhat (South Tuipui, Bualpui V, Chhipphir, Thiltlang) leh Lungsen PHC hnuaia khua 16 (Phairuangkai, Rangte, Rotlang West, Lungsen, Rolui, Undermanik, Zehtet, Buknuam, Mautlang, Sailen, Rualalung, Vairawkai, Thanzamasora, Lalnutui, Lungrang South leh Upper Lungrang) ah te TB zawnchhuah runpui (TB mass Screening) neih a ni a. Heng khaw hrang hrangah te hian Hand Held X ray hmangin damlote en an ni a, nimin thlengin mi 2,172 endik tawhin Mipa – 984 leh hmeichhia- 1,188 an ni. Heng zing atang hian TB vei thar mi 4 hmuhchhuah tawh an ni.

TB vei lo te tan a venna damdawi TB Preventive Treatment (TPT) mi engemawzat hnenah sem chhuah tawh a ni.

Lunglei khawpui chhunga LMC ward hrang hrangte hi High Risk a puan vek a ni a, hemi bakah hian district a khaw hrang hrang, High Risk Village a Central TB Division lamin a rawn puante-ah hmalakna neih chhoh mek a ni.

Kumin chhungin Lunglei District-ah TB vei thar mi 49 hmuh chhuah an ni tawh.