Lamine Yamal leh Lionel Messi

20 July 2026: Spain teenager football thiam Lamine Yamal-in World Cup final zawh hnua Lionel Messi ṭap lai a kuah lai khan, thil entir nei ang maiin a lang, mawhphurhna inhlan chhawnna ang mai a ni.

Kum 39 mi Messi chuan New York New Jersey Stadium-a Argentina fans khat mup te chu a thlir vang vang a, a hming an lo lam thup thup a.

Chutih lai chuan, Lamine Yamal chuan Argentina icon ropui chu a thlamuan a, an inkuah vawng vawng a. Barcelona number 10 chuan an legendary number 10 ropui ber chu a kuah a ni.

Kum 20 mi Messi-a’n thla 6 mi Lamine Yamal a bual lai thlalak, 2007 September-a charity calendar raffle atana lak, he inkhelh hma lawka viral leh ta nen chuan a inang ta lo hle!

Nau te kha tunah chuan tlangval a lo ni tawh a, Messi erawh a World Cup zin kawng tawp lamah a awm ta niin a lang.