10 July 2025: Vawiin chawhma lam khan Lunglei District Youth Congress Committee (LDYCC) te chuan Civil Hospital, Lunglei Trauma Care Facilities Building-a Intensive Care Unit (ICU) bunna tur hmunhma te a hmunah an enfiah a, Sawrkarin ICU khawl bûn tura hma a la mek chu lawmawm an tiin tun aia chak lehzuala hma la chhunzawm turin Sawrkar an ngen.
Pu Moses Lalrinchhana Chinzah President LDYCC chuan, June Ni 3, 2025-a Health Minister Pi Lalrinpuii’n Lunglei East MLA Office, Chanmari Lungleiah Chhimbial Chhantute hmaa a sawi danin ‘Vawiin (June ni 3,2025) aṭanga thlakhat chhungin Civil Hospital Lungleiah ICU khawl hman theiha peihfel a ni ang’ a tih aṭanga thlakhat leh karkhat a liam hnuah pawh Civil Hospital, Lunglei Building peng pakhat Trauma Care Facilities Building-a ICU bûnna tur hmunhmaah hmalakna kal mek awm mahse, Oxygen Plant hman theihin a la awm lova, Oxygen semchhuaktu tur Manifold bûnna tur hmunhma pawh engmah peihfel a la nih loh bakah, khum (bed) leh khawl ṭhenkhat chah a la ni mek hian tunhnaiah ICU kan la hman lawk theih loh tur thu a ti chiang a, hei vang hian a rang thei ang bera hma la turin sawrkar kan ngen a ni, a ti.
