May ni 15, 2025 (Ningani) zana ruah bawhawk tam tham tak sur khan, NHIDCL hmalaknaa NH 302 kawng laih meka hmun hrang hranga mumal lo taka leivung an paih chu Hauruang khawtlangin kum 20 chuang ngawrh taka an lo humhalh tawh, Ruangte luiah nasa tak tuihawkin a len luh avangin he luia nungchate an thi nasa hle niin Hauruang YMA hruaitute’n an sawi.
He thil thleng hriat anih rualin Branch YMA hruaitute, khawtlang mipuite leh Lunglei Forest Department te chu a hmunah kalin thil thlen dan enfiah nghal a, he thil thlenga a mawhphurtu ber NHIDCL lakah Hauruang khawtlangin dan angin zângnadawmna an ngiat a ni tih YMA hruaitute chuan an sawi.
