Lirthei chesualah mi 3 an thi

24 May 2026: Vawiin tlai dar 4:00 vel khan Lunglei leh Hauruang inkar Ruangvaite Thlanmual bulah lirthei chesual hmuh niin; mi 3 an thi.

Thudawnnain a sawi danin, nizan May ni 23, 2026 dar 7:30 vel khan Hauruang atang hian heng mi 3-te hi Lunglei lamah kal tumin Car Hyundai I10 MZ02A/ 5769 in an kal a. Vawiin chawhnu dar 1:00 vel thleng pawha an chanchin hriat zui anih loh bakah biakpawh theih an nih loh avangin an chhungte chuan Police leh khawtlang hruaitute an hrilh a.

Lunglei Police-te leh Hauruang khawtlang hruaitute chuan hma an lak hnuah vawiin tlai dar 4:00 vel khan an chetsualna hmun hi an hmu ta a ni. He chetsualnaah hian Hauruang khua vek mi 3; lirthei neitu nia sawi, Jerry Lalnunfela (40) S/o Lalzuimawia, Lalhlimpuia (25) S/o Laltlanthangi leh Lalrintluangi (24) D/o P.C Zodingliana (L) te chu an thi a.

Motor hi metre150 bawr vela sang khamah tla thlain, an chetsual hun tak hi hriat theih ni lo mahse zan rei lampang ni tura rin a ni.

Zanin dar 7:30 khan ruang an la chhuak fela, Hauruang YMA Hall-ah lumen tur niin naktukah post-mortem an nih hnuah Hauruang Thlanmualah vuiliam an ni ang.