08 Nov 2023: Nizan dar 7:30 vel khan Lunglei Chanmari-a K.T Bakery bulah truck tlan lai lehpelh tum chu chesual palhin K.Lalramnghaka (25) S/o K.Lallawmawma, Rahsiveng, Lunglei a boral.
Chetsualna thlen lai hmututen an sawi danin, Lunglei chhim lam atanga hmar lam pana tlan truck chu K.Lalramnghaka hian Scooty-a lehpelh a tum lai takin an mahni tawk zawnga lo tlan Car pakhat chu tai palhin, chumi inkhak let leh chu a lehpelh tum mek truck ke hnung lamah a lu lam a va barh lut ta niin an sawi. Lalramnghaka hian helmet khum mahse a chhan zo lo a ni. A bulhnaia hmutute chuan truck khalhtu chu au ding nghalin; hetia an auh din hnu hian truck khalhtu hian a chil tih a hre chauh niin a hmuna hmutute chuan an sawi.
He thil thleng an hriat veleh vanduaina thlenna hmunah hian Police-te kal nghalin thil tih tul ang ang te an ti nghal a, truck khalhtu leh a lirthei hi Police Station-ah an kawl nghal a ni.
K.Lalramnghaka ruang hi nizan khan tlaivarpuiin vawiinah vui a ni ang.
