LMC atanga Property tax an dawn hman dan tur an ruahman

16 Jan 2026: Vawiin khan LMC Ward No.7 Chanmari Ward Committee, Local Council leh NGO-te YMA, MUP leh MHIP te chuan an ward atanga property tax LMC atanga an dawn vawi khatna chu a hman dan tur ruahmanna an siam.

Vawiin meeting hi ward councillor Pu K.Lalrinawma’n kaihhruaiin LMC-in property tax a khawn vawi 1-naah hian ward no.VII Chanmari chuan ₹ 10,90,926 an dawn thu a sawi a. Hei hi LMC huam chhung local council khat atanga property tax lut tam ber a ni.

Ward councillor Pu K.Lalrinawma chuan property tax chu mipui thawh a nih ang ngeiin an ward pawh pelhe awm miah lova hman a nih tur thu sawiin chuvanga ward committee mai ni lova, Local council leh NGO-te sawm an ni thu a sawi a ni.

LMC in property tax a khawn atang hian a lut atanga 80% chu ward committee kutah niin 15 % Local Council chan a ni dawna, a thawhtute hnenah 95% a let leh a ni.

Committee-ah hian property tax hmanna tur langtlang taka committee a pharh a ni chu tha an tih thu sawiin; veng chhunga hmalakna tur hrang hrang sawiho a ni bawk.