21 Aug 2025: Vawiin khan Saikuti Hall Managing Committee-in inremna leh intiamkamna, ‘terms & conditions’ a duan, Managing Board-in a pawmpui chu Lunglei District Bawrhsap Pi Navneet Mann leh LMC Chief Executive Officer Pu Donny Lalruatsanga te’n Bawrhsap hna thawh pindanah hming ziah hnanin, Saikuti Hall enkawlna (management) chu Lunglei Municipal Council (LMC) kutah hlan fel a ni.
Saikuti Hall hi Management of Saikuti Hall Rules, 2003 hmangin enkawl a ni a. He dan hnuaiah hian Rural Development & Administration Department Secretary kaihhruaina hnuaiah Saikuti Hall enkawl chungchanga thuneitu Managing Board awmin, a taka enkawl zui hna thawk turin Lunglei District Deputy Commissioner kaihhruaina hnuaiah Managing Committee a awm bawk a. LMC kuta Saikuti Hall enkawlna hlan chhawnna tur hian sawrkar aṭanga ruahmanna kalpui niin, Managing Committee-in terms & conditions a duan chu, August ni 18, 2025 khan Rural Development & Administration Department aṭangin Managing Board-in a pawmpuina hmuh a ni a. Chumi ang chuan inhlan chhawnna hi kalpui a ni.
Saikuti Hall enkawlna inhlan chhawnnaah hian Managing Committee ai awhin, Chairman & Bawrhsap Pi Navneet Mann chuan hming ziakin, LMC aiawhin CEO Pu Donny Lalruatsanga’n hming a ziak thung a. Lunglei DRDO Project Director Pi ST Lalvensangi leh DIPRO Pu C. Lalhruaitluanga te’n hriatpuituah hming an ziak bawk. (DIPR)
