LMC Vice Chairman thar leh Executive Councillor thar lalut

LMC Vice Chairman thar leh Executive Councillor thar lalut

17 Nov 2026: Vawiin chawhma dar 11:00 khan Lunglei Municipal Council a Vice Chairman thar leh Executive Councillor thar lakluhna inkhawm; BoC Hall Convention Centre-ah neih a ni.

Lakluhna inkhawm hi Pu H.D.Lalpekmawia Chief Executive Officer, LMC-in kaihruaiin kalkhawmte lawmna thu a sawi bakah LMC Vice Chairman thar leh Executive Councillor tharte ruat an nihna a chhiar chhuak a ni.

Hemi hnu hian District Magistrate Pi Rochuangkimi Khenglawt, Addl. D.C ni bawk kaihruaina hnuaiah LMC, Vice Chairman thar atan Pu Zorinsanga Hmar, LMC Ward No- IX leh Executive Councillor thar atan Pu R.Lalremsiama, LMC Ward No-VI ten thutiam an la a ni. Thutiam lak tirtu Pi Rochuangkimi Khenglawt chuan AMC tih lohvah chuan LMC chu Mizorama District dangte neih ve loh anih avangin mipui rawng kan bawlna kawngah fimkhur taka kal a pawimawh hle tiin, District dang pawhin Municipal Council an neih hun pawh lo awm se entawn tlak hmalakna neih a tul hle a ni a ti. District hmasawn turin tanrual a tul hle tih sawi bawkin, mawhphurhna thar nei lakluh tharte leh a lo thawk tawh sa te Lunglei tan chauh ni lo, Lunglei District hmasawnna tura lungrual taka thawkho zel tura a duh thu a sawi a ni.

LMC Chairman Pu Lalzuithanga pawhin thu sawiin, hetiang hun kan hmang hi LMC tan hmasawnna ropui tak a ni a, kan Vice Chairman nilai Pu K.Lalrinawma Party lama mawhphurhna pawimawh a neih avangin a dinhmun a bansan takah chuan hetiang hun hi boruak nuam tak karah kan hmang ta a ni a ti. Mawhphurhna nei tharte chu LMC hmalakna tura mi tangkai tur leh angaihna hre tur an nih avangin thawhhona nen nasa takin hma kan sawn ngei ka beisei Pu Zuia chuan tiin, LMC in theihtawp kan chhuahna kawngah Lunglei mipuite min thawhpui zel turin ka sawm a ni a ti bawk.

Pi Lalvensangi Secretary, LMC in lawmthu sawiin hun a khar a ni.

Vawiina LMC Vice Chairman thar leh Executive Councillor thar lakluhna inkhawmah hian LMC Councillor te, LMC a thawktute, MJA Member-te, ZPM Southern Hqrs hruaitute leh lakluh thar chhungte an tel a ni.

Share Post:

Comments (0)

No comments yet. Be the first to comment!

Leave a Comment

Boost Your Business with Cutting-Edge Marketing Solutions Today

Your ad here
Image