Loneitu chhungkaw 89 hnenah Kuva tiak sem

21 June 2025: Vawiin  chawhnu dar 1:00 khan Agriculture Deptt Lunglei hmalaknain  Agro Forestry hnuaiah Mualthuam North a loneitute hnenah Kuva tiak chhungkaw 89 hnenah bul 6,000 semchhuah a ni a, Pi Lalremtluangi Jt. Director Account & Treasury Deptt Lunglei chuan a vailiam.

Jt.Director chuan a lian thama chinga hralh tur tam tak thar chhuak tura chahin,  sorkarin a sem hi chu a bultanna ang lekah ngai turin a fuih a ni.

Kuva tiak hi District Agriculture & Farmers’ Welfare Deptt.Lunglei hnuaia sem niin, VCP Pu V.Lawmkima Mualthuam ‘N’chuan a kaihruai a, kuthnathawktute an phurin beiseina sang tak nen Deptt lam pawh an thlir tih a sawi.

Pu VL.Hmangaihchhunga DAO Lunglei chuan ruah a tla nasain duh angin a tiak kan pe tam thei lo che u a ni, a ti a. Tun tuma kuva hi kum khata rah mai lo tur, nghah ngai a ni tiin  nghak a, bei tang tang turin a chah a, sorkar inrawlh ngai lovin a hralhna lamah harsatna a awm lovang a ti. Leilet enkawl tur chi khua in nih loh vangin kuva chin hi intodelh nana hmang turin kan chah che u a ni tiin, thlai chin danah barhluih che u kan tum lo, a ti a. Kum tharah chhunzawm zel kan tum dawn nia a ti bawk.