Lunglei Agriculture Dept Multi Utility Warehouse hawng

Agriculture Department Multi Utility Warehouse Lunglei chu vawiin (Oct ni 3, 2023) khan Agriculture Minister Pu C.Lalrinsanga’n a hawng.

Hawnna inkhawm Pu James Lalsiamliana, Director Agriculture department kaihhruaiah Khuallian Pu C.Lalrinsanga, Agriculture Minister chuan, sum hmuhna remchang tak avanga building tha tak sak a ni ta chu lawmawm a tih thu sawiin, Agriculture Department chu department hlun tak nimahse tunhma atang tawhin sawrkar intodelh lo kan nih avangin thawktute hmun ruak hnawhkhah kawngah harsatna tam tak a awm thin a, thawktute hlawh leh thil dang a pun ve zel avangin Post ruak hnawhkhah kawngah duh angin hmalak a harsa, a ti a. Hetiang karah hian Agriculture department hnuaiah hmasawnna hnathawh tam tak sawi tur erawh a awm thu a sawi.

Agriculture Minister-in a hawn tak Multi Utility Warehouse hi NABARD sum Rs Nuai 237.50 leh State Matching Share Rs Nuai 12.50 senga sak niin; Zopa chhiara chhawng li a ni.