Vawiin (Sept ni 5, 2023) chawhma dar 11:00 khan Lunglei Municipal Council (LMC) hotute chuan LMC Office Conference Hall ah thuthar thehdarhtute an kawm.
LMC hotute chuan LMC din anih aṭanga sum an hmuh tawh zawng zawng chu Rs.1,56,57,126/- a nih thu sawiin, an hman ral tawh zat Rs.1,25,88,979 leh Balance Rs.30,68,147/- anih thu an tarlang.
LMC hotute chuan Mizoram Sawrkar aṭangin an mamawh thawktu tur an dilna a hlawhtlinna hmuh tur a la awm loh avangin a taka hnathawh a la harsa niin an sawi a. Mizoram sawrkarin an mamawhna te hriaa thawktu pek belh thuai se an duhthu an sawi a ni. Thlathar lam atangin LMC kaltlangin Lunglei khawpui Parking Fee felfai zawk leh awmze nei zawka kalpui theih an beisei thu an sawi bawk. (Kimchang zawkin Sept ni 6, 2023-ah. –Editor)
