Lunglei Police-in thubuai 20 ziaklutin mi 19 an man

08 May 2025: Lunglei Police te chuan April 2025 chhung khan pawi khawihna hrang hrangah thubuai 20 ziaklutin thubuai kaihhnawihah hian mi 19 an man.

Lunglei Police te chuan April thla liamta chhung khan Rakzu, Heroin No 4 leh Sap Zu um puitling; a vaia belhkhawmin tualchhung hralhna rate a Rs 6,77,289/- hu an man a ni.

Lunglei Traffic Police-te’n April 2025  chhung vek khan lirthei khalhtu dan bawhchhia te hnen atanga sum an chawi tir zat chu Rs 1,84,800/- a ni. Dan bawhchhia te hi a tam ber chu document fel lo leh license nei lo va lirthei khalhte an ni.