Lunglei Police-te’n Jeremy Lalthangtura darkar 72 an kawl hnuah darkar 72 dang kawl an dil leh

04 May 2026: District Jail Lungleia a tan puite mi 17 chhuah an nih theih nana lehkha lem hmanga hmalatu Jeremy Lalthangtura (25) Beraw Lui, Zemabawk Aizawl chu Lunglei Police-te’n darkar 72 an kawl hnuah vawiin khan Dist Court Lungleiah kalpuiin; darkar 72 dang kawl an dil leh.

Hemi chungchanga Case I.O-in a sawi danin Jeremy-a hian Dist Jail Lungleia tang chung hian a tan pui mi 17-te chhuah an nih theihna turin hma a la a, Gauhati High Court Aizawl Bench atangin an chhuah theihna tur Document lem chu eng tin tin emaw a siam sak niin a sawi.

Hetianga a thil tih hi hriatchhuah anih hnuah mi 12-te chu man leh tawhin Dist Jail Lungleiah dah an ni leh tawh a, mipakhat chu Champhai Police kutah awm mekin mipathum man loh an la awm a, mipakhat Lunglei Chanmari veng ami chu a thi tawh thung tih Case I.O chuan a sawi.

Police-te hian Jail tang 17-te an chhuah theihna tura a hmalakna Document Duplicate chu Lunglei Police-te hian an kawl vek tawh laiin a Original erawh Dist Jail lamin an la kawl niin an sawi.

Darkar 72 an kawl chhungin an duh ang thil an la hmuh loh avang leh a thil sawi te a dik ngei em tih finfiah tura Cross Checking tih zel angaih bawk si avangin vawiin khan Court lamah darkar 72 dang kawl phalna an dil leh a; an dilna hi Court chuan a phal sak a ni.