10 July 2025: Vawiin chawhma lam dar 10:00 khan Lunglei Police Station-a Cyber Cell-te hmalaknaa Mobile phone bo leh ruk zawnchhuah hna CEIR Portal hmanga hmuh let; Rs.2,90,365/- man hu Mobile Phone 20 te chu a neitu dik takte hnena hlan letna hun hman a ni.
He hun hi Pu K.Beihmotaosa MPS, Addl SP Lunglei leh Pu H.Lunghnema MPS SDPO Lunglei, Officer-in- Charge, Lunglei Police Station leh Officer-te’n an hmanpui a, mobile phone neitute an tel bawk.
Pu K.Beihmotaosa chuan Lunglei Police Station-a Cyber Cell-te hnenah lawmthu sawiin, a zawn chhuah pawh thil awl tak anih loh thu a sawi a. Mobile phone tibo report awm tawh phawt chu a tam thei ang ber chhuichhuah sak zel an tum thu leh he hlawhtlinna hi Central Equipment Identity Register(CEIR) portal awmze nei taka hman tangkai vang anih thu a sawi.
Mobile phone 20 hmuhlette hi kumin April atanga July ni 5 chhunga chhui chhuahte an ni.
Lunglei Police-te chuan Mobile bo leh rukte chu ngawrh taka Technology hmanga chhuiin, mi 170-te mobile phone hmuhlet sak tawhin,a neitute hnenah hlan let vek a ni tawh a; hemi kaihhnawiha diklo taka leitute pawh case siamsak an ni bawk.
