05 August 2024: Dt 3.8.24 Inrinni dar 10:00Am khan Lunglei Police Station-a Cyber Cell-te hmalaknaa Mobile phone bo leh ruk zawnchhuah hna ngawrh taka chhui hnua hmuh let leh; Mobile Phone 14 (V/o Rs.1,72,500/-) te chu a neitu dik takte hnena hlan letna hun hman a ni.
He hun hi Pu Zarzokima MPS, SDPO Lungleiin hmanpuiin Lunglei Police Station-a Cyber Cell te hnenah lawmthu a sawi a, mobile phone tibo report awm tawh phawt chu a tam thei ang ber theihtawpin chhuichhuah sak zel an tum a ni, a ti.
Lunglei Police-te hian Mobile bo leh ruk te hi ngawrh taka Technology hmanga chhuiin, kumin March ni 15 atanga vawiin ni thlengin mi 54 te mobile phone an lo hmuhlet sak tawh a, a neitute hnenah hlan let vek a ni a; hemi kaihhnawiha diklo taka lo leitute case siamsak an ni bawk.
