06 May 2025 (9:30pm): Lunglei Ramthar Veng YMA-te’n kumina an mitthi 20-na phumna tur zanin khan thlan an lai.
Vawiin khan Ramthar Veng huamchhung Nghahsih lui kama Thlam pakhatah ruang chhar niin, ruang hi a lo chhe tawh hle a, ruang hi Lalrintluanga (35) niin Ramthar vengah lo khawsa fo thin anih bakah Ramthar Venga laina hnai nei anih avangin zanin khan Ramthar veng thlanmuala vui tura ruahmanna siam a ni a, YMA-te pawhin khaw thim hnuah thlan an lai a ni.
Hetihlai hian ruang hi zanin lamah postmortem hman a nih dawn loh avang leh naktuk lamah postmortem tur a nih tak avangin naktuk postmortem zawhah vuina hun siamin, Ramthar Veng thlanmualah phum a ni ang.
Lunglei Ramthar Veng hi an vanduai hle a, naktuka an vuiliam tur nen hian kumin chhungin mitthi 20 an nei tawh a; ruang thawnchhuah 3 an nei tawh bawk.
