Rs Vaibelchhe 14.3 senna tur Lunglei Super Market Building sak hna kalpui mek chu hnathawh tur 70% thawh zawh tawh niin building sak hna hi ngawrh taka kalpui mek a ni.
North East Council sum hmanga sak mek Lunglei Super Market Building sak hna hi EXCEL Consultancy Services ten thawkin PWD Building Division Lunglei chuan an hnathawh hi an vil thung a ni. Ruahman lawk ang chuan kumin September thlaah hna hi thawh zawh hman tura ruahman niin, hnathawktute chuan hun tiam chhung hian zawh hman an beisei thu an sawi.
Lunglei Super Market Building hi Zopa chhiar a chhawng li tur niin; building chhungah hian dawr 334 a awm dawn a, Quarter 2, Market Office 2 leh Police Beat Post 2 a awm dawn bakah hian Toilet 32 a awm dawn a ni.
