14 July 2025: Vawiin chawhnu dar 1:00 khan LMC hnuaia Traffic and Transport Coordination Committee Meeting vawi 8-na BoC Hall-ah neih a ni.
Meeting hi Pu K.Lalrinawma Committee Chairman leh LMC Vice Chairman ni bawkin a kaihruai a, Traffic chungchang rel fel hi a har hle a chuti chung chuan a theih ang angin hma kan han la ve zel a, ruahman anga thil a kal tak tak theih hunah chuan Lunglei khawpuia Traffic kalphung pawh hi a fel duak kan beisei a ni, a ti.
Pu Donny Lalruatsanga, Chief Executive Officer LMC chuan thu ngaihtuah tur hrang hrangte sawifiahin meeting-ah hian sawiho a ni.
Meeting-ah hian sumdawng lirthei leh mimal lirthei parking area tur rawtna hrang hrang lutte sawiho a ni a, engemawzat pawm anih laiin, thenkhat dilna erawh hnawl niin; thenkhatte erawh enzui leh tura tih a ni.
Commercial Vehicle-ten an Welfare thu a an Stand line Marking an lo siam ve thin leh mimalten Parking leh No Parking an duh anga an siam ve thin chu phal tawh loh nise an ti bawk.
