17 Sept 2025: Mamte khaw thlawhhmaah Sazu a puang a, a hmuna enfiah turin District Agriculture Officer Lunglei leh thawktu dangten Mamte khua vawiin khan an thleng.
Mamte khuaah hian chhungkaw 120 vel awmin chhungkaw 50 chuangin thlawhhma an la a, tunlai hian thar-rang buh chingtute loah Sazu puangin buhvui leh thlai thenkhat bakah Bekang a seh chhe nasa hle niin Mamte atanga thudawnna chuan a sawi.
Vawiin khan DAO Lunglei Pu VL.Hmangaiha leh thawktu thenkhatte chuan Mamte khuaa thil thleng hi enfiah turin Sazu thahna hlo nen an kal a, a hmuna an thil hmuh dan azirin hmalak dan tur ruahmanna dang pawh a tul angin an siam ang.
