Tv F Roneihtluanga Mat Leiah chesualin a thi

Lunglei; 01 Feb 2026: Lunglawn tlangval F.Roneihtluanga (24 ) S/o F.Lalrintluanga chu vawiin khan Mat Leiah chesualin a thi.

Thudawnnain a sawi danin, Roneihtluanga hi a thiante nen vawiin khan Zobawk leh Leite inkar Mat Luiah an kal a, chawhnu dar 1:40 bawr vel khan Mat Lei atanga tla palhin ka pawh chhawn lovin a thi niin an sawi.

Hetiang thil a thleng tih hriat velah hian Mat Luia kal ve midangte bakah Maudarh khawtlang leh Leite Branch YMA-ten Mat Lui hi pan nghalin ruang lakchhuah leh buaipui ngai ang ang an buaipui nghal a, Lunglawn khawtlang pawhin chanchin an hriat velah Mat Lui lam hi an pan nghal bawk a ni.

F.Roneihtluanga ruang hi Hnahthial Damdawi Inah post-mortem turin kalpui nghal a ni a, zanin hian a chenna Lunglawnah tlaivar pui a ni anga, naktuk chhun dar 12:00-ah vui a ni anga, Lunglawn Thlanmual No – II ah phum a ni ang.