MBKHP Rorel Vawi 76-na

19 Feb 2026:- Mizoram Baptist Kohhran Hmeichhe Pawl (MBKHP) Rorel Vawi 76-na BCM Biak In Electric Hnahthial-ah neih a ni, rorel palai 581 an tel.

Mizoram Baptist Kohhran Hmeichhe Pawl (MBKHP) Rorel vawi 76 na hi BCM Hnahthial North Pastor bialte’n an thleng a ni.

MBKHP President Pi HK Lallianzauvi kaihhruaia rorel-ah hun hmasa lamah kaltate sunna hun Rev. T. Vanlalremruata’n a hmang a, BKHP Member mi 278 te sun an ni.

Report hrang hrang ngaihthlak anih hnuah rorel a ni a, tun tumah hian rorel tur chawhpchhuah agenda 33 a awm a, an thu pass hriat theih chin te:-
‘BKHP thuzir bu hi December thla chhunga Unit tinin an hmuh theih nan hmalak ni rawh se.
NEICC- WA, IBWU Programme hi BKHP inkhawm zanah hmang lovin a hranpa a hman thin ni rawh se.
BKHP inkhawm apiangin BKHP thutiam, dinchhan leh thil tum sawi thin ni rawh se tih leh Thuzir Exam kumtin a neih thin hi MBKHP atangin zawhna siam se, bialin mahni inbuaipui rawh se.’

MBKHP hi area pathum, Headquarters Area, Aizawl Area leh Lawngtlai Area-ah then niin Pastor Bial 92 awmin, hengah hian Unit 478 a awm a, member zawng zawng hi 36,083 an awm mek.

Kum 2026-2027 budget atan Rs.15,20,000/- ruahman niin, chanchin buatsaih lai hian pawm a la ni lo.