Medal 1000 vel hlawh tawh Lunglawn Karate Dojo te’n kum 25 an tlin an lawm

Lunglawn Karate Dojo te chuan Nov ni 20, 2025 khan kum 25 an tlin lawmna Lunglawn YMA Hall-ah an hmang a, tlaiah ruai an theh.

Silver Jubilee lawmna Programme hi Sensei H.Lalfangzauva Karate Instructor-in a kaihruai a, Pastor H.Vanlalruata Circle Leader SDA-in hunserh a hmang a ni. Nl.Lalruatfeli Lunglawn in Fakna hla a sa a, Karate zirlaiten Karate Distplay/Show an nei bawk. Sempai Lalthansangi Oranging board Secretary-in Lunglawn Karate Dojo Achievement report a pe bawk.

Aizawl atangin Shihan C.Dosavunga 5th Dan Black Belt (Japan)AMKA Gen.Hqrs.Senior Vice President Aizawl-in he hun hi a rawn hman pui thei a, Karate chanchin leh a tangkainate sawiin, Karate zirlaite chu an lo hrisel a, an lo dam rei zawk theih nan zuk leh hmuam leh ruihtheihthil laka inthiar fihlim zel turin a fuih.

AMKA Lunglei District President, Local Council Lunglawn aiawh, GSA Lunglawn President, MHIP Lunglawn President, MUP Lunglawn President-te’n Karate zirlaite fuihna thu an sawi a, tlaiah ruai thehin, hun hlimawm tak an hmang a ni.

Tunah hian Lunglawn Karate Dojo-ah Zirlai 35 vel awm mekin, District Level – National Level thlengin Karate Competition hrang hrangahte bbb  Medal 1000 vel leh Trophy 70 vel an hlawh chhuak tawh a, Black Belt mi 15 in an zir chhuak tawh a, Sports Incentive Cash Award pawh thahnem tham tak an hlawh chhuak tawh a ni. Heng an hlawhtlinna zawng zawngte hi Pathian khawngaihna an dawn a ni tih hriain, Pathian chungah an lawm em em a ni.

Pu HS.Vanlalzuia Lunglawn Karate Dojo Adviser-in lawmthu a sawi.