Meriam L.Hrangchal-in ‘khel’ tih tawngkam ai chuan hnathawh nan Politics hi hmang zawk ang u, a ti.
Pi Meriam L.Hrangchal Vestige hotunu leh Lunglei S bial viltu chuan Politics- ah thianghlim taka ram rawngbawltu hi kan mamawh a ni tiin, ‘khel’ tih tawngkam ai chuan hnathawh nan Politics hi hmang zawk ang u, a ti.
He thu hi vawiin (Aug ni 28) a Lunglei District Congress Committee (LDCC) bhawan-a Political session-ah sawiin Pi Meriam-i chuan, kan thil tih engkimah a tha ber nih tum zel ang u, local politics ringawt buaipui lovin national politics kan ngaihven a hun tawh a ni, a ti. BJP hlauhawm zia kan sawi thin a, Manipur-ah example fiahtak kan hmaah a awm tawh a, heti chung hian kan la thangharh thei lo anih chuan kan dinhmun hi a chhe hle dawn a ni, a ti.
