29 May 2025: Mizoram State Health Care Society CEO Dr Biakthansangi chuan nimin atanga online-a MUHCS inziahluh theihna an hawn atangin darkar 24 chhungin mi 17 an inziaklut tawh a ti a. Phai lama refer pawh an thahnem tawh hle tih sawiin vawiin thlenga refer tawh zat chu mi 637 an nih thu a sawi.
Dr Biakthansangi chuan April ni 1 atanga damlo inenkawl tawh zawng zawng te bill an pekchhuah tawh zat chu Rs vbc 6 nuai 65 sing 1 sang 7935 a nih thu a sawi a. Sorkar hospital-ah mi 9465-in MUHCS hi hmang tawhin heng zinga 8071 chu damdawiin chhuahsan tawh an ni a ti a, 1394 chu enkawl mek an nih thu a sawi a. MUHCS hnuaia nimin thlenga Private hospital inziaklut tawh pakuaah damlo 1049-in MUHCS an hmang tawh a, an zinga 901 chu damdawiin chhuahsan tawh an ni a, 148 chu damdawiina awm mek an ni.
Mizoram Universal Health Care Scheme-ah awlsam takin mahni in lum atanga inziahluh theih reng a nih tawh thu Dr. Biakthansangi chuan a sawi a, mipuite chu inziaklut zel turin a sawm a ni. (AIR Aizawl)
