Mimal, Pawl leh Kohhran hrang hrang loan dilna, Rs Nuai 3525.27 pek chhuah remti
05 Feb 2025: Mizoram Cooperative Apex Bank Ltd. Executive Committee chu an Chairman Pu Lalnunsanga hovin vawiin khan Board Meeting Room, Head Office Tuikual-ah an thukhawm.
He hunah hian society hrang hrangte’n Apex Bank-a share lei an dilna te enfiaha pawm a ni a. Hetih rual hian mimal, pawl leh Kohhran hrang hrangin loan an dilna, avaiin Rs Nuai 3525.27 chu pek chhuah an remti bawk a ni.
Mimal loan dilna hi sumdawnna (Business), thlai chin, ranvulh leh loneih (Agri & Allied Agri), housing loan leh PMEGP te niin, avaiin Rs Nuai 2245.27 a ni a, Kohhran hrang hrang tana Biak In sakna loan-a sanction hi Rs Nuai 1280 a tling bawk.
Vawiin vek khan Aijal Club-ah Apex Bank hnuaia thawktu Clerk 27 leh Officer 3 lak tharte pualin ni 3 awh induction training programme neih a ni a. Pi Pankaja Borah, General Manager, NABARD, Mizoram Regional Office chuan he hun hi hmanpuiin Mizoram hmasawnna tur atana taima leh rinawm taka thawk turin thawktu lak tharte a fuih a ni.
Tun dinhmunah Apex Bank hian Deposit Rs vaibelchhia 1573 an dawn atangin Loan Rs vaibelchhia 1199 an pe chhuak a, hei hi CD Ratio tehfung 76% a ni.
