Minister-in Ration card siam danglam vanga harsatna tawkte dept-in a ngaihsak dawn a ti
24 Oct 2024: Supply Minister Pu B. Lalchhanzova’n mi rethei leh dinhmun harsa ten an chanvo an chan theih nan hma kan la zel dawn a ti a, Ration card siam danglam vanga harsatna tawk te department-in a ngaihsak dawn tih a sawi.
Minister sawi danin Mizoram Sorkar chuan dinhmun harsa tak,card var-a awm an ngaihsak zui zel dawn a ti a, an chanvo an chan theih nan sawrkarin hma a la zel dawn tih sawiin Ration Card chuan chhungkaw khawsak phung a hril a, a phu ten chanvo dik tak an chan theih nan hma an la zel dawn tih a sawi.
Pu B.Lalchhanzova sawi danin Buk dika buhfai khul chu mipui chanvo niin State dangin Card vara awm tana buhfai mipakhat tana kg 8 an ruahman ang chu an ti ve lo va, a hming chauhin chhungkaw khat tan kg 7 leh a aia tlem an pe a, state pawisa buhfai lei nan an hman belh lo tih a sawi bawk.
