11 Sept 2025: Tukin zing dar 8:00 khan Minister Dr.Vanlalthlana chuan Circuit House-ah MJA Lunglei member-te leh Information Department Lungleia thawktute a kawm.
MJA-te zawhna chhangin Education Minister chuan, State University leh Southern Campus kan sawi pawlh tlat hi a dik lo va, State University din tur chuan College pali tal angai a, MZU anga Campus hran awm a Building hrang hrang sa turin kan State sumin a tlin lo va, Aizawlah pawh University din tur chuan kan la huphurh zawk anih laia College pahnih a University din tum chu thil harsa a ni a ti.
Engineering College leh Mizoram Polytechnic tan theihtawp kan chhuah laia thil hre chiang lova kan insawi sel vak vak thin hi a tha lo viau a ni tiin, State University Lungleia din tur chuan a hmunhmain a zo lo a ni, a ti.
MJA member-te erawh chuan State University Lunglei-a dah turin na takin an ngen thung a ni.
