02 Aug, 2024: Minister te’n an pisa-a mipui tana rawtna leh sawiselna lehkha an thehluh theihna, Complaint box an hunah tun thlengin mipui lehkha theh luh a tam lo hle.
MINECO-a Minister office hrang hrang tlawh kualtu Doordarshan palaiin a sawi danin, Minister 11 zinga 10 ten an pisa luh dawnah complaint box an hung a, heng bawmah te hian lehkhathawn tla a tam lo hle a, minister 5-te bawmah phei chuan an hun tan atanga nimin thleng khan mipui atangin rawtna leh sawiselna lehkha a la lut lo a ni.
Minister zingah Minister of state Pu B Lalchhanzova bawm a lun ber a, bawm an hun tan atanga nimin thleng, thla 4 bawr vel chhungin lehkhathawn 14 a tla tawh a, chung zinga a tam ber chu a enkawl zinga mi, Land Revenue and Settlement department kaihhnawih a ni a, ram pass chungchang a ni ber.
Minister zinga bawm hung hmasa ber Health Minister Pi Lalrinpuii bawmah lehkhathawn 10 bawr vek a tla tawh bawk a, Pu K Sapdanga bawmah 1, Pu F.Rodingliana bawmah 1 leh Dr.Vanlalthlana bawmah 2 a tla tawh bawk a ni. (DD)
