Mizoram-in Minister ni thei Mizo hmeichhia 3 a nei ta.
Kum 1987-a Pu Laldenga kaihhruai sawrkar-ah Aizawl North I atanga thlan tlin, Pi Lalhlimpuii Hmar chu Minister of State (MoS) a ni a, Social Welfare Dept leh Labour & Emloyment Dept a enkawl. A ni hi Mizo hmeichhia te zinga Minister ni hmasa ber a ni.
Kum 2014-a Hrangturzo Bial By-Election-a thlantlin Vanlalawmpuii Chawngthu chu kum 2017 khan Pu Lal Thanhawla kaihhruai sawrkarah MoS niin, Sericulture, Fisheries leh Cooperation Dept a chang a ni.
Kumin 2023 inthlanpuia Lunglei East Bial atanga thlan tlin Pi Lalrinpuii chu Pu Lalduhoma kaihhruai sawrkar-ah Cabinet Minister a ni a, Health & Family Welfare, Social Welfare & Tribal Affairs, Women & Child Development leh Tourism Dept te a chang. Mizo hmeichhia te zinga Cabinet Minister hmasa ber a ni.
