19 March 2025: Sawrkarna kan chelh lai a, Assam nen ramri a kan sipaite an in kah tum khan, Union Home Minister Amit Shah chuan ramri a kan sipai awm te la let turin thinrim takin min rawn bia a. Ka chhanna chu, ka sipaite ka withdraw-na in hmuh hmain ka banna in hmuh hmasak ka ring tiin ka chhang, a ti. Mizo Nationalism humhim tura thisen a baptist, underground te chiah hian he Hnam thuthlung hi an keng lova, Mizo zawng zawngte’n he Hnam humhimna tur a man kan pek hi a tam em em a, chu a man kan pek chuan Mizo Nationalism hi a humhim a ni. A man kan pek zozai avang hian Mizo Hnam tan a tlanchhiat ai chuan Chief Minister dinhmun kalsan kha pawi tihna ka nei lo, Pu Zoramthanga President MNF chuan a ti.
Vawiin dar 11:00am khan Ex MNA te buatsaihin, Pu Zoramthanga President, MNF chuan Kawmzawl Ambush hlawhtlinna hriatrengna monument Pukpui-ah a hawng.
Pu Rama chuan, Mizoram tan a theih tawp kan chhuahah khan Burma a kan unaute, Manipur leh East Pakistan, Assam leh Shillong a Zofa zawng zawngte khan an tuar vek a. Chu chu Hnam anga chimral kan nih lohna pawh hi a ni, a ti. India Hmarchhak hi han en ila, Shillong, Manipur a dawrkai lian zawng zawng hi vai dawr a ni. Mizoram erawh a ni lo, heng zawng zawng hi Mizo mipuiten a man tam tak an pek vang a ni, a ti a. Vawiin a kan hawn tak Monument hian Hnam Pasalthate tumruhna, taimakna, huaisenna, Hnam thinlung an putna, vai sipaite laka ram tan a hnehna an chan dan min hriat thar tirtu lo ni se, a ti.
Monument hawnna inkhawm tawi Pukpui khawchhung a neih hi Pu Vanlalhmuaka President Ex MNA Southern Hqrs Lunglei chuan a kaihruai a ni.
