Mizo thalaite zingah India ram aiawh thei kum 2036 Olympic-a an awm theih nan hma la
23 June 2025: Chief Minister Pu Lalduhoma’n Mizo thalaite zingah India ram aiawh thei kum 2036 Olympic-a an awm theih nan sorkarin Vision 2036 a kalpui mek thu leh kawng hrang hranga hma lak zel a nih dawn thu a sawi.
Tukina Mizoram Olympic Association buatsaih Olympic Day puala a huhoa tlan, Aizawla buatsaih a telpuinaah he thu hi Chief Minister chuan a sawi a. Pu Lalduhoma chuan taksa hrisel taka a awm theih nan insawizawi that a pawimawh thu leh hemi atana infiamna chu nasa taka hmalak a ngaih thu a sawi a, hnam hrang, tawng hrang leh sakhaw hrang te inunauna thlentu chu infiamna a ni tih a sawi.
Olympic Day Run-ah hian infiammiten Sikulpuikawn, Vaivakawn leh Chanmari kawn atangin Lammual panin an tlan a, Lammualah a kharna inkhawm buatsaih a ni. (AIR)
