08 May 2025: Nimin tlai khan Lok sabha MP Pu Richard Vanlalhmangaiha chuan Shri Ajay Tamta Minister of State for Road transport & Highway chu a chenna inah hmuin Mizoram a kawng pawimawhte chu ruah tam hmaa a theih ang anga siam rang turin a ngen.
MP Pu Richard a chuan Mizorama Ruah tui tlak hun chhung a rei avangin tuna National Highway No 6 (54 ni thin) Mizoram chak lak luhna ber Vairengte leh Sairang Buichali inkar siam thatna tura hmun thenkhata Tender an chhuah tawh chu a rang thei ang bera Furpui thlen hma ngei a a tam thei ang ber siam hman turin a ngen a. Minister pawn theih tawp a lo chhuah tur thu a hrilh bawk a ni.
Pu Richard a hian Mizoram chu ruahtui tamna hmun a nih avangin Mizoram chhunga kawngpui te chu alo tlo zawk theih nan a tam thei ang ber chu concrete pavement (Rigid pavement) a siam a nih theih nana hmalakpui turin a ngen a. Concrete pavement hi Mizoram sorkar leh Chief Minister duh dan a nih thu a thlen nghal bawk a ni. (DIPR)
