Mizoram a Territorial Army Unit din thuai anih theih nana hmalakpui turin Union Minister  ngen

Lok Sabha MP Pu Richard Vanlalhmangaiha chuan April ni 24, 2025 tlai khan Union Minister of State for Defence Pu Sanjay Seth chu a Pisa ah kawmin Mizoram tana thil tangkai tur tam tak an sawi dun.

He an inkawmnaah hian Pu Richard Vanlalhmangaiha  chuan Mizoram Chief Minister lo ngen tawhna bawhzuiin, Mizoram a Territorial Army Unit din thuai anih theih nana hmalakpui turin Union Minister hi a ngen a. MP ngenna hi Union Minister chuan lo ngaipawimawhin rang taka an ngaihtuah tur thu a lo hrilh bawk a ni.

Lok Sabha MP chuan Mizoram chu International Borders a awm anih an in Mizo mipuiten Indian Defence System kan hriat chian a tul hle thu sawiin hemi kawngah hian Mizoram Journalist Association (MJA) te chu India ram hmun hrang hran a Defence Study Tour an neih theih nana hmalakpui turin Union Minister hi a sawm a, Union Minister hian hma a lakpui ngei tur thuin a lo chhang bawk a ni.

MP hian Union Minister hi hun remchang a neih velah Mizorama zin turin a sawm bawk a ni.