24 Sept 2024: Ni hnih awh tur ‘State Review Meeting on AB PM-JAY 2024’ chu Health & Family Welfare Department hnuaia Mizoram State Health Care Society, State Health Agency ni bawk huaihawtin vawiin khan Dawrpui Multipurpose Hall, Aizawlah hman tan a ni a, Health & Family Welfare Minister Pi Lalrinpuii chuan khuallian niin a hmanpui.
Ayushman Bharat Pradhan Mantri Jan Arogya Yojana (AB PM-JAY) scheme hmang thei chhungkaw member tinin Ayushman Card/Golden Card an neih a ngai a, tun thlengin Mizoram chhungah Ayushman Card/Golden Card 5,65,428 siam a ni tawh a; heng inenkawlna senso atan hian sawrkar chuan Rs 1,23,45,86,300/- a hmang tawh.
He hunah hian Mizoram chhunga AB PM-JAY hman kawnga Hospital leh mimal tithate chawimawina hun hman niin, Mizoram puma AB PM-JAY hnuaia District Hospital titha ber chu Civil Hospital Lunglei niin, lawmpuina certificate leh pawisafai Rs 1,00,000/- hlan an ni.
He review meeting-ah hian District tina Senior Chief Medical Officer, Senior Medical Superintendent leh Medical Superintendent te’n an District chhung leh Hospital-a AB PM-JAY an kalpui dan tarlanna presentation an pe a ni.
