Mizoram Baptist Kohhran chuan kumtina a lo buatsaih thin angin Sept ni 1 khan kum 2023 atana Kohhran Upa Exam a buatsaih.
Kohhran Upa Exam hi Pastor bial 92 zinga Pastor bial 62-ah buatsaih niin, kumin bika Kohhran Upa Exam thei tur hi mi 217 niin, chanchin buatsaih lai hian an exam kim vek em tih hriat theih a ni lo.
BCM-in Kohhran Upa Exam a buatsaihah hian Area Baptist Council (ABC) remtihna a nikum kumtawp lam leh kumin kumtir lama tualchhung Kohhran, Kohhran Upa thlang thei ten Kohhran Upa atana an thlanten exam hi an bei a ni. Pastor bial khat zel chu hmun khatah exam tir niin, BCM Constitution, BCM Rules, Kohhran Upa thuzir, Timothea hnena Tirhkoh Paula lehkhathawn pakhatna leh pahnihna te atangin zawhna an chhang a ni.
Ruahman lawk ang chuan result hi Sept 29, 2023-a tihchhuah tum niin pass-te chu kumin November chawlhkar tawp Area Baptist Council (ABC) inkhawmpui-ah an mahni awmna ABC theuhah Kohhran Upa atan nemngheh an ni dawn a ni.
