9 Jan 2025: Vawiin khan Minister Pi Lalrinpuii chuan a office chamber-ah Mizoram district tin tan ‘Widow Cell’ a tlangzarh. National Human Rights Commission in Centre, State leh UT sorkar hnena hmeithai te dilna chanvo humhim nan leh an hmakhua ngaihtuah sakna hmanrua atana Widow Cell din tura thurawn a pek bawhzuina a ni a. Tihian Mizoramah chuan Widow Cell hi district tin a One Stop Centre tinah din nghal a ni.
Women Cell kaltlang hian eizawnna neilo ten ei an zawn theih nan thiam thil zir (skill development training) lo ngaihtuah pui te, mipuite tana hamthatna scheme hrang hrang sorkarin a kalpuite lo hrilhhriat a ngaihtuahpui te, an mamawh dan azir a psychological councelling pek te, Dan hmaa an dikna chanvo an hum theih nan legal councelling pek te leh adangte a huam tel thu vawiin hian sawi a ni. Mizoram hi India ram State dang zingah Widow Cell din hmasa pawl a nih thu sawi a ni bawk.
