18 Sept 2025: Vawiin khan Chief Minister Pu Lalduhoma chuan a office-ah Dr. Sunil Shukla, Director General, Entrepreneurship Development Institute of India chu a kawm a, Mizoram Entreprenuership Development Institute (MEDI) din dan tur a sawipui.
Dr. Sunil Shukla chuan, Mizoram sorkarin hmunhma min pek theih chuan CSR Fund kan zawn khawm leh Central Scheme atanga fund awm theite hmangin Entrepreneur & Skill lama hmeichhiate leh zirlai naupangte tan institute tha tak Mizoram Entrepreneurship Development Institute (MEDI) kan din thei ang, a ti. A tir lam kum 5 chhungin Entrepreneurship te, Skill training te, start-up te, incubation leh mentoring lamte takin kan kalpui ang a, kum 8 vel chhunga mahnia Campus nei theia din kan tum zui dawn a ni, a ti.
Chief Minister chuan, rawtna in rawn neih te hi a huam a zauvin department kaihhnawih a ngah hle mai a, inrawnkhawmna zau zawk neih a tul dawn a. Coordination Committee din a, chak taka bawhzui kan tum dawn nia, a ti.
EDII hi kum 1983 a din niin Gandhinagar, Gujarat-ah hmunpui neiin, state tam takah Entrepreneurship Development Centre an din tawh a ni.
Chief Minister hi Pu Vanlaldina Fanai, Commissioner & Secretary to CM leh Pi R. Lalrodingi, OSD to CM ten an tawiawm a ni. (DIPR)
