19 Jan 2024: Vawiin khan Mizoram Ministerial Service Association, District Hqrs Lunglei chuan Education Complex Conference Hall-ah General Conference neiin kumhnih chhung atana an pawl hruaitu thar an thlang nghal.

MMSA, Dist Hqrs Lunglei Conference chawhma lam inkhawm hi an pawl Vice President Pu K.Lalduhawma’n kaihruaiin Secretary leh Treasurer-te report ngaihthlak anih bakah kum kalta chhunga an member chatuan ram pan te sunna hun an hmang.

Vawiina an Conference-ah rorel inkhawm neiin an thu Pass langsar zingah MMSA membership fee pe an boralin hriatrengna thuziak leh Rs 20,000/- in inral nise tih te, Member tupawh an hna atanga Pension an awmin ngaihhruina Memento leh Rs.5,000/- pek thin nise tih bakah MMSA Dist Hqrs Logo siam nise tih te a tel a ni.

MMSA Dist Hqrs Lunglei Conference-ah hian chawhnu lamah MJA Dist Hqrs Lunglei hruaitute kaihhruainain kum 2024 atanga 2026 chhung atana an pawl hruaitu turte an thlanga heng mite hi thlan tlin an ni.

President- K.Lalduhawma, H.A, Sericulture Deptt.

Vice President- Laltanmawia, UDC, Education Deptt.

Secretary- R.K. Rochamliana, LDC, PWD.

Asst. Secretary- P.C. Lallianmawia, UDC, PHE.

Treasurer- V.Rokima, LDC, DIC.

Fin.Secretary- P.C. Zodinmawii, UDC, PWD, te an ni.