25 Oct 2024: Vawiin chawhma khan Programme Implementation Department Conference Hall-ah November thla chhunga State Level Mock Exercise on Flood and Landslide Disaster neih turah inrawnkhawmna leh inhrilhhriatna- Coordination and Orientation Conference neih a ni.
Planning Conference Hall-ah hian State Headquaters lama tel tur (IRS Positions and suitable officers at State Level) te chu Pi K.Lalrinzuali, Secretary, Disaster Management and Rehabilitation Department hovin an thukhawm a. National Disaster Management Authority (NDMA) leh District tina District Disaster Management Authority (DDMA) leh a kaihruai Incident Response Team ten Video Conference hmangin an zawm bawk a ni.
He hun hi Pi K.Lalrinzuali, Secretary, DM&R chuan kaihruaiin Mizoram chu Seismic Zone 5 a awm kan nih avangin englai pawha lirnghing na tak thleng thei reng a nih thu a sawi a. Chhiatrupna a lo thleng thulh a nih pawhin chet lak dan kan thiam theih nan he Mock exercise hi kan neih thin a pawimawh a. Chuvangin, State Headquater lama mawh la tur te leh DDMA team te zawng zawng chu an mawhphurhna te tha taka hlen theuh turin a ngen bawk a ni.
Hemi hnu hian National Disaster Management Authority lam atangin Brig. Ravinder Gurung (Retd.) Senior Consultant hnen atangin Mizoram chhung hmun hrang hranga Mock Exercise neih dan tur te presentation hmangin thlirho chhunzawm a ni.
Mock exercise hi November ni 7, 2024 (Ningani) khian Mizoram district hmunpui zawng zawngah buatsaih tura ruahman a ni.
