28 Aug 2025: Vawiin khan Directorate of Geology & Mining, Mizoram leh Mineral Exploration & Consultancy Ltd. (MECL) chuan Aijal Club-ah, Mizorama leilung hausakna awmte zawn chhuaha hman tangkai dan tur “Unlocking Mizoram’s Mineral Potential: Exploration & Auction Frameworks” tih thupui hmangin ni khat awh workshop an buatsaih a. Workshop hi Dr. Lalzirmawia Chhangte, IAS, Commissioner & Secretary, Commerce & Industries Dept. (Dte. Of Geology & Mining) chuan a kaihruai a ni.
Workshop-ah hian Sawrkar laipui aiawh Ministry of Mines hotute, Mineral Exploration & Consultancy Ltd.) leh National Mineral Exploration Trust Secretariat aiawhte, Indian Bureau of Mines leh Geological Survey of India hotute, ONGC, Oil India Ltd., State Bank of India Capital Markets leh Notified Exploration Agency/Notified Private Exploration Agency te an tel a. Mizoram chhunga Zirna In pawimawh atangin Mizoram University (MZU), Pachhunga University College (PUC) leh Zirtiri Residential Science College a mithiamte an tel bawk.
Mizoram tana Leilung Hausakna hrang hrang – Lungalhthei, Limestone, OIL & GAS-te bakah Rare Earth Elements (REE) zawn leh laihchhuah chungchanga hmalak tawhnate, hmalak mekte leh hmalak zel dan tur chungchangte sawi ho a ni. Wokshop-ah hian Mithiam bik te, leh policy siamtute bakah stakeholder- te chuan, Mizoram State tana mineral exploration, policy framework leh hmalakna tur hrang hrangte sawihona hun an hmang a ni. (DIPR)
