Mizoramah Covid-19 hri kai mi 1 a awm mek a, a hri kai hi Ningani khan Falkawn Referral Hospital-a a sample endikna a hmuhchhuah a ni.
Covid-19 hri kai hmuh chhuah thar hi Covid-19 variant thar JN.1 a ni em tih endik turin National Institute of Biomedical Genomics, West Bengal-ah sample thawn tura buaipui mek a nih thu Health department hotute chuan an sawi.
Ningani khan Covid-19 hri kai inringhlel mi 2 sample endik atangin pakhat hian a kai tih hmuhchhuah a ni a. Nikum October ni 19 hnu a Mizorama Covid-19 hri kai hmuhchhuah leh hmasak ber a nih thu Integrated Disease Surveillance Programme (IDSP) hotute chuan an sawi. (AIR)
